Шрифт көлемі:
A A A
Сайт түстері:
A A A
Жай нұсқа
Размер шрифта: A A A
Цвета сайта: A A A
Қазақстан Республикасы Мәдениет және ақпарат министрлігінің ресми сайты

Қазақстан Республикасының Мәдениет және спорт министрлігі

Қазақстан республикасының мәдениет және спорт министрлiгiнiң ресми сайты

 Сенім телефоны 74-04-26

Система Orphus

Министрліктің жаңалықтары

Мәдениет және спорт министрі Тимур Досымбетовтың кенеттен қайтыс болуына көңілін білдірді
03.12.2015

Мәдениет және спорт министрі Тимур Досымбетовтың кенеттен қайтыс болуына көңілін білдірді

 

3 желтоқсан, 2015. Астана. Ел спорт қауымы орны толмас қазаға ұшырады. Бүгін КСРО еңбегі сінген спорт шебері, ҚР Ұлттық олимпиадалық комитетінің бірінші президенті Тимур Досымбетов кенеттен қайтыс болды.

ҚР Мәдениет және спорт министрі Арыстанбек Мұхамедиұлы, ҚР Мәдениет және спорт министрлігінің Спорт және дене шынықтыру комитеті және Штаттық ұлттық командалар мен спорт резерві дирекциясының ұжымдары мен отандық спорт қауымдастығы ҚР Ұлттық олимпиадалық комитетінің бірінші президенті, ҚР ҰОК бұрынғы бас хатшысы, ҚР ҰОК вице-президенті, заманауи бессайыстан КСРО еңбегі сінген спорт шебері Досымбетов Тимур Қамалұлының кенеттен қаза болуына байланысты отбасы мен туыстарына қайғыларына ортақтасып көңіл айтады.

Министр жолдаған жеделхатта: «Тимур Қамалұлы отандық спорт пен олимпиалық қозғалыстың нағыз аңызына айналған асау тұлға еді. Балалық шағынан бастап, оның бар саналы өмірі спортқа арналған еді. 25 жасқа жетер-жетпес шағында талдымсыз еңбегі, жігері мен қайыспас қайсарлығының арқасында бессайыстан Әлем чемпионатында жеңіске жеткен тұңғыш қазақстандық болды. Жемісті де екпінді спорттық мансабын аяқтағанымен, өз өмірін осы саламен байланыстыруды бір сәтке де тоқтатпады. Тәуелсіздігіміздің алғашқы күндерінен Қазақстан Республикасы Ұлттық олимпиадалық комитетінің тізгінін алып, бұл лауазымда 25 жылғы қажырлы қызмет жасады. Көптеген жетістіктерге қол жеткізді.

Осы уақыт ішінде Тимур Қамалұлы бастаған ҚР ҰОК ұйымдастыруымен мыңдаған спорттық-бұқаралық және мәдени іс-шаралар өтіп, елдің ұлттық құрамалары жеті қысқы және бес жазғы Олимпиада ойындарына, алты жазғы және бес қысқы Азия ойындарына, жасөспірімдердің Олимпиада, Азия ойындарына, Паралимпиадалар, ПарАзиядалар, ислам ойындары, Орталық Азия, Шығыс Азия ойындары, өзге де тұғыры биік спорт жарыстарында топ жара білді. Әлемдік додалардың төрінде аты шыққан көптеген қазақстандық спортшылардың жұлдызының жануына Тимур Қамалұлы септігін тигізді деп білеміз.Қазақстанның Елордасы мен Алматы қаласында өткен 2011 жылғы қысқы Азия ойындарының сәтті өту, оңтүстік астанамыздың 2022 жылғы Олимпиада ойындарын өткізуге үміткер атануы — Ұлттық олимпиадалық комитеттің жетістігі, Тимур ағамыз бастаған топтың талдымсыз еңбегінің жемісі", — делінген.

 

.