Шрифт көлемі:
A A A
Сайт түстері:
A A A
Жай нұсқа
Размер шрифта: A A A
Цвета сайта: A A A
Қазақстан Республикасы Мәдениет және ақпарат министрлігінің ресми сайты

Қазақстан Республикасының Мәдениет және спорт министрлігі

Қазақстан республикасының мәдениет және спорт министрлiгiнiң ресми сайты

«Мәңгілік Ел»/«Мәңгілік Ел» жалпыұлттық патриоттық идеясының логотипін жасауға байқау Сенім телефоны 74-04-26

Система Orphus

Министрліктің жаңалықтары

Тұңғыш Президентінің Музейі Тәуелсіздік күніне арналған шаралар өткізуге кірісті
10.12.2015

Тұңғыш Президентінің Музейі Тәуелсіздік күніне арналған шаралар өткізуге кірісті

 

10 желтоқсан, 2015. Астана.  Қазақстан Республикасы Тұңғыш Президентінің Музейі Тәуелсіздік күніне арналған шаралар өткізуге кірісті. Бүгін музейде «Тәуелсіздік – азаттықтың асыл кепілі» тақырыбында «дөңгелек үстел» өтуде.

Тәуелсіздік күні – еліміздің басты ұлттық мерекесі, бұл халықтың ғасырлық арманы жүзеге асқан және республикамыздың жеткен жетістіктеріне мақтан ететін күн. Бұл мереке өз елінің тағдырына жауапкершілікті сезінетін және біртұтас Қазақстан халқын құрайтын, барлық қазақстандықтар үшін маңызды оқиға болып табылады.

Қазақстанның мемлекеттік тәуелсіздігіне жиырма төрт жыл – бұл жаңа саяси және құқықтық жүйені қалыптастыру барысындағы қажырлы да, ерен еңбекті, әлемнің жоғары дамыған елдерінің тәжірибесі мен төл тарихымыздың даму ерекшеліктерін ескере отырып, демократиялық институттар мен реформаларды жасау жылдары болды. Жас Еуразиялық мемлекеттің қарқынды өсуі дүниежүзіне белгілі. Оған дұрыс белгіленген басымдықтар, ынтымақты сыртқы және ішкі саясат, сондай-ақ, көзделген мақсаттарға жетудегі бірізділік себепші болды.

Тәуелсіз мемлекеттің негізін қалаушы Қазақстан Республикасы Президенті Н. Ә. Назарбаевтың алғашқы күнінен бастап жүргізген салиқалы конституциялық саясатының арқасында Қазақстан айтулы жетістіктерге жетті.

Қазіргі таңда Қазақстан – қалыптасқан мемлекет, жоспарлы реформаларды еш қиындықсыз жүзеге асыратын, тұрақты дамып келе жатқан және болашаққа сеніммен қарайтын табысты ел. Еліміздің табыстары – болашақ ұрпақ үшін мұра, ХХІ ғасырда қуатты, тәуелсіз және серпінді дамитын Қазақстанды құрудың берік негізі.

Дөңгелек үстелдің мақсаты Қазақстан Республикасының Тұңғыш Президенті – Елбасы Н. Ә. Назарбаевтың егеменді мемлекетті қалыптастырудағы шешуші рөлін, Қазақстан мемлекеттілігінің тарихы, тәуелсіздік жылдарындағы ел дамуының стратегиясы, жаһандану және аймақтық бірігудің өзекті мәселелерін талқылау болып табылады.

«Дөңгелек үстел» жұмысына Қазақстан Республикасы Президентінің Әкімшілігі, Қазақстан Республикасының Конституциялық кеңесі өкілдері, ғалымдар, зерттеушілер, Астана қ. оқу орындарының қоғамдық пәндер оқытушылары қатысуда.

.